أبقو وحدة

أصلو في السودان حكاية
وكلو كوم شايلو راية
وأي شلة وليها تاية
وهذا ماشي في نهاية
والحكاية من البداية
وشلة جاييك من بعيد
فيهم القطع الوريد
حامل الموت والصديد
خلاك هاربانا شريد
لا فرحة لا رجاك عيد
سافرت في مشوار بعيد
صارعت في الزمن العنيد
قلت بكره يوم جديد
حملت للفال السعيد
وقلت ماضي ولي فات
جاك تاني
كلو واحد عندو طارة
وأصلو وارثين الشطارة
من كتاب الإنشطارا
وداك جالس في المنارة
والكذب شايل مقالة
والفتن بعد القوالة
وهذا إستلم الحوالة
وداك باع إسم الجلالة
وكل ساعة وليها حالا
الإتفاق أصبح محالا
والوطن في السوق دلالة
والله يستر من مآلا
تاني بي نعيد المقالا
وأبقو وحدة ما رأي التاريخ مثالا
ورددوا السودان جلالة
وأذكروا النيل والحضارة

 محمد عثمان المبارك