البيان..الصادر من ميسري مفاوضات جدة انا ما عارف مزعل الناس في شنو بالضبط…؟!

كتبه / منصور الهادي…

حسب البيان لو كان صحيحا أكد فشل الوسطاء في وقف إطلاق النار يعني فشل في إنهاء الحرب وإنقاذ المليشيا من المحرقة بمعنى أن البل مستمر..

كل ما خرجت به المفاوضات حسب البيان هو تيسير وصول المساعدات لمستحقيها على أن يكون الألتزام من جانب المليشيا في هذا الأمر فردي..!!
فردي كيف يعني..
ماعندكم قيادة ولأ شنو؟؟
فهمونا فردي..

في ناس في الخرطوم منتظرين المساعدات دي كان كانت أدوية أو حتى غذاء أو حليب أطفال..
مزعلك انت شنو في الموضوع دا..؟!

المهمممممممم..
المساعدات الإنسانية ما حتكون فوضى سااااي ويجوموها ويجغموها الدعامة..
هووو زاتو فضلوا دعامة يجغموا حاجة …
بل هي مساعدات ستكون تحت الرقابة العسكرية حسب ما أشار البيان ..
ومنظمة الملك سلمان أخبار تقول بأنها هي الحاتكون مسؤولة..
ومنظمة الملك سلمان يعني أن جماعة أنصار السنة المحمدية هي الجهة التي ستشرف على توزيع الإغاثة…

كلام جميل لو صح..

في ناس كدا عايزين يفهموا الشعب السوداني انو اي عسكري ياااا خااااائن يااا ما بفهم واي شي يعملها العسكري معناها غشوه فيها..
ديل السياسيين فهمهم كدا وعايزين يفهموا الناس كدا ..

في حين انو زي ماقلت ليك قبل كدا انجح الحكومات في الوطن العربي وغير الوطن العربي هي حكومات الجيش..وافشلها الجماعة ديل العاملين فيها بعرفو اي حاجة …

واحد قال لي البيان فيهو انو حايقبضو الداعمين للحرب..
هههه هههه..
هو منو الداعمين للحرب غير القحاطة…
القحاطة بقولوا الكيزان هم الداعمين للحر وفي النهاية مافي زول بقبضوه زاتو دا كلام والسلام ..
القحاطة جغمهم جاهز بايادي سودانية بإذن الله …

نحنا ما دعاة حرب ولكن داعمين لجيش في الحرب التي اشعلها القحاطة وبنحارب معاهو ..

اما من اوقد الحرب فهي قحط الفاشلة..
يمشوا يقبضوهم..

اما حكاية حدة الخطاب الإعلامي التابع لجيش وتخفيف هذه الحدة بطلب من المليشيا..

تخفيف شنو يازوووول..
هي يا داااب كتمت وسماااها ولعت..
يا دعامة اسألوا الله التخفيف وليس من امريكا والإمارات..

بعدين يادعامة ما قلتوا عندكم إعلام وذكاء أصطناعي والإمارات وايه.. وايه… وايه…
هسي تجي تقولوا وااااي
خفففوا..
يادعامة إعلام الجيش إعلام شعبي فيهو ناس شغالين بموبايل واي 6 شاشتو ضاااربه…

إعلام الجيش إعلام شعبي شغال مجان وهو فقط ينقل كلامو الشين يا دعامة..
يعني الحار المحتاااج تخفيف ليس هو إعلام الجيش ولكن ما ينقله إعلام الجيش من سوء فعايلكم..

بعدين هو بيااااان
يعني إعلان..
من جهة وصفها فقط جودية.. يعني غير ملزم
وغير قانوني وغير صادر من جهة ملكفة من أمم متحدة أو أي مظلة إقليمية وما عندو اي إليه محاسبة أو متابعة..
يعني تقول كويس
وتنط منو عااادي جدا…

الجيش في ام بدة ببل في الدعامة وبشربوا في نفس الوقت في الشاااي..
شايلين معاهم شاااااي وجبنة…

نحن كدا..
مفترررررررين جدا

( منصور الهادي)