أي شخص مرتزق او عميل يشوفك بتدعم جيش بلدك يقول ليك
مطبل ، او منتفع ،، ليه بقول ليك كدا ؟
عشان يخليك تاخد موقف الدفاع وتقول لا، انا ما كدا
وتبدأ تبرر ويحاصرك بكلامه ويحسسك انو دعم الجيش إدانة
وتهمة لازم تبرئ نفسك منها ، وللأسف الأسلوب ده احيانآ
بينجح مع الناس ال بتخاف فعليآ من صيغة الإتهام

لكن الشخص الواعي ، هو الشخص ال فاهم وعارف إنو دعم
الجيش هو دعم للدولة ذات نفسها ، ودعم لكرامة البلد وامنها
وإستقرارها وهيبتها ، وانو بدون جيش للدولة مافي دولة ..

شوف مثلآ الدول الكبيرة بتتفاخر بجيوشها كيف ، وكيف بتستعرض قوتها، دي الحقيقة فعلآ ،
قوة الدولة مستمدة من قوة جيشها ..

فمهم إنك تكون عارف إنو دعم الجيش ما إدانة ولا إتهام ،
بالعكس دي شهادة لازم نعتز بيها ، ووسام شرف لينا،،
وحاجة ماينفع ننكرها أو ننفيها أو حتى نبررها ل أي زول ،

دي حاجة إعلانها والمجاهرة بيها شرف ..

تعرف إنو أبسط حقوقك الديمقراطية أنك تبقى داعم ومؤيد
لجيش بلدك !!
ده حقك (الديمقراطي) وخط تحت الديمقراطي 100 خط
زي ما غيرك بيدي لنفسه الحق يبقى معارض ،
أنت كمان من حقك تدعم جيش بلدك

وابسط حقوق الشخص أنه يدافع عن اختياره ، وعن قراره وقناعاته ،خصوصآ لو كان خصومه اغلبهم
مرتزقة وعملاء وخونة ،

الغريب أنو ال عاوز يحجر عليك وبيعتبر دعمك للجيش شئ يعيبك ،،او بيعتبر دعم الجيش تطبيل

هو نفسه بيدعم سياسات دول تانية وبعضهم بيبذل مجهود خرافي في الدفاع عنها ،
،،
فدفاعك عن جيش بلدك هو دفاع عن
قرارك ودفاع عن صوتك ، ودفاع عن بلدك فما تخلي أناركي جاهل أو متطرف حاقد ،
يرهبك فكريآ ولا يأثر على معنوياتك …

التحية لأبطال الجيش السوداني المرابطين ب الفشقة وكل ربوع الوطن الحبيب