لي كل اهل منطقة الصافية بالخرطوم بحري

السلام عليكم
لجنة الخدمات والتغيير الصافية شمال
⭕ ⭕ ⭕ ⭕ ⭕ ⭕ ⭕ ⭕ ⭕
تنويه هام ⛔⛔⛔⛔
تنبيه لي ناس حلتنا
شايفين الأيام الفاتت دي السرقات الحصلت ف الحله من 9⃣ طويلة والنهب والتهديد داخل البيوت وف الشارع والقلع الحصل ده
شباب الحله الله يديهم الصحه والعافيه كانو واقفين وسهرانين على حساب راحتهم عشان يحرسو الحله وبيوتهم
وقبل اسبوع بعد الدوريات من الشباب ف مربع 8⃣ الحمد لله قبضو واحد من الحرامية جاي من منطقة العزبة.
عندنا مربع 11 ده ف حراميه الكارو البيجو من العزبة ديل بيجو ب شكل يومي وب قوة عين 👁 وكل مره ناطين ف بيت وكاسرين بيت
ناس الكارو ديل قدرو يسرقو بشكل يومي ف مربع 11
الحمد لله شباب مربع 11 عملو دورياتهم وحراستهم
قامت مجموعة من شباب الحي فجر اليوم بمطاردة عصابة الكارو بعد ان. وجدو مقاومه منهم بالسواطير وفي محاولة لتخويفها تم اطلاق رصاصة من احد الشباب ادت لوفاة احد افراد العصابة وهروب البقية. بمربع 7️⃣
الحاجة المهمة العايزين ننبه عليها .
انو أهل المتوفي قد رفضوا تشريح جثة ابنهم وتوعدوا الحي بالانتقام لموت ابنهم امام اعين ونظر افراد قسم المدينة بحري ، عليه نرجو اخذ الحيطة والحزر وعدم ترك الابواب مفتوحة.
ف نحنا بناشد كل محامي وضباط والقضاة اللفي الحلة الوقوف مع شبابنا واخوانا المقبوضين ف القسم
حفظنا الله واياكم بحفظه الامين وحرزه المتين وفرج كرب اخواننا

⭕ ⭕ ⭕ ⭕ ⭕ ⭕ ⭕ ⭕ ⭕

إعلام اللجنة