إقالة والى الجزيرة واللواء قائد المنطقة

حسب ما وصلني من معلومات أن مليشيا الدعم السريع في منطقة كاب الجداد شغالين نهب في كل القري المجاوره ل كاب الجداد وهي بتبعد عن جياد تقريبًا ١٧ كيلو!!!
يعني يالفريق البرهان ما بعيدة علي المسيرات ولا بعيدة علي هجوم الجيش عليها وقطع الطريق علي المليشيا ..
إستباحة مناطق شمال الجزيرة ووالى الجزيرة ( القحاتي النائم ) ماشغال بالأمر دا ولا من باب انو هو المسؤول الأمني علي الولاية ،،
المؤسف يا قيادة المنطقة العسكرية السيد اللواء أن الجنجويد شغالين في الناس تهديد وقلع قروش وعربات وجوالات وأنت ما شغال بالموضوع كتير ؟
السؤال ياالسيد اللواء أنت منتظر تعليمات من منو عشان تحمي عرضك وأرضك منتظر تعليمات منو عشان تحمي ناس الولاية ؟
أنت ك لواء ما بتخجل المواطنيين يستنجدوا وأنت قاعد ؟
وين إستخبارات الجزيرة ؟ إنتوا خارج الكوكب ولا شنو ؟ وشغالين شنو ؟ وجنجويد يوصلوا لحدي المناطق دي ومعلومة ما تجيكم ؟؟
إقالة والى الجزيرة ( النائم ) دا مطلب شعبي يالفريق البرهان !!
وجود والى عسكري للجزيرة مطلب أيضًا ..
اللواء بتاع قيادة الجزيرة دا غايتو نحن كمواطنين وهو مكلف بحمايتنا وما حمانا من الجنجويد هو ذاتو نحن نطالب بتغيروا وخلي يمشي مناطق العمليات يمكن قلبو يبقي حار شوية !!!!
الجزيرة تحتاج جنرال كارب قاشو ( لواء ) عينو حمراء …
منطقة ( كجوري ) شوفوها يا جيش فيها شنو ؟؟؟
والحقوا منطقة أسمها ( افطس العوامرة ) …
إقالة والى الجزيرة ( تعيين والى عسكري )
تغيير اللواء قائد المنطقة العسكرية بجنرال أخر قوي
إستخبارت الجزيرة أصحي ،..
أخيرًا ( العقيدة ) بجي بكتب عنك بكرة ..
خلاص
عائشة الماجدي