الطقوسية والكهنوت في دهاليز الحزب الشيوعي

تجربتي بالجبهه الديمقراطية
أنشطة الحزب الشيوعي

️ تبيان توفيق

سابقاً إتكلمت عن أهداف الحزب الشيوعي وبقت معلومه للشباب
الجامعات مثالاً
الحزب الشيوعي أو الجبهه الديمقراطيه تنظيم دقيق جدآ وعندوا طرائق وشِيع وأسلوب معين يختلف عن باقي التنظيمات ولأنو تنظيم كان موضوع أمام فوهة الدوله ونظام أمن نميري وبعده أمن الإنقاذ بقى تنظيم مكروه وغير مرغوب فيهوا من ناحيه مجتمعيه وأكيد العداء دا ماجا من فراغ كل الناس عارفه قصة البرلمان المشهوره البي سببها تم تجميد نشاط الحزب الشيوعي وطرد أعضاءه!! نميري وصل مرحله إنو طلع بيان رسمي بإنو أي مواطن بيعرف زول شيوعي يبلغ عنوا طوالي وكذلك أستمر التعامل معاهم في نظام الإنقاذ بنفس المنهج!!
أنا حأتكلم عن الفتره الكنت فيها طالبه بجامعه الخرطوم وتجربتي الشخصيه عن الجبهه الديمقراطيه (الحزب الشيوعي) مافي واحد منهم بقوليك أنا شيوعي أو عايزنك تخشي معانا في الحزب الشيوعي دي مستحيله الطريقه البيستقطبوا بيها الطلاب طريقه خبيثه جدآ أقرب للصحوبيه وجلسات الشاي والجبنه وجلسات ترانيم العود والجمعيات الثقافيه والفنون التشكيلية وتركيزهم دائمآ على مجتمع البنات وبالأخص البنات المنفتحات ع المجتمع يعني انتي سمحه ومتحرره حبه حبتين حيجيك ولد وسيييم وشله هاي كلاس من ناحيه كلام ويبقوا قريبين منك وكده ويعزموك جبنه وحفله لعقد الجلاد وحبه حبه لحدي ما تلقى نفسك منجرفه معاهم وبيحبوا أجواء الإستكانه وبيكونوا دائمآ قريبين للقضايا البتمس الطلاب في الظاهر وكلهم بكونوا متجمعين زي أسراب الطيور خمسه خمسه عشره عشره بالطريقه دي!! الشيوعي والشيوعيه ماعندهم خجل من بعض وعادي ممكن تكون اي حاجه بيناتم متاحه الملامح العامه من ناحية المظهر البت بتكون مياله للبس البناطلين والكلاسك وفك الشعر وعادي ممكن تكون لابسه سفنجه والولد بكون ميال للبس البناطلين المشرطه من الرُكب مربي تفه أو مضفر شعروا وبكون لابس سلاسل وقلادات في اليدين عندها رمزيات معينه ولو خلاص جاك ملتزم بتلقى بنطلونوا وقميصوا مكرفسات!! حقيقه يعني مستوى النظافه الشخصيه عند كوادر الحزب الشيوعي تكاد تكون معدومه!! حوامين شديد وماعندهم( لييت) سواء كان بنات أو أولاد الواحد منهم دائمآ كاتمه فيهو وممكن ماياكل لكن يشرب عشره كباية جبنه تقيله ربع كبايه ويقعد يتأمل حول الكوب!! وممكن بيت وولد شيوعين يقعدوا مع بعض سته سبعه ساعات وتلقاهم مستكينين بدون موضوع!! احتماعيا متماسكين وفي بعض خاشين!!
النشاط بتاعهم نشاط أشبه بنشاط الخلايا النائمه بيصنع الأزمه وبيتبناها في نفس الوقت!! تعطيل مجاري الصرف الصحي وإغلاق منافذ الحمامات وتكسير المواسير وإتلاف الكولرات (ثلاجات التبريد) وإيقاف المكيفات بالقاعات أنا بتذكر واحده من الرفاق قدت زير المويه بعد لقتوا فاضي وكل دا عشان تحصل أزمة في الجامعه وتحصل إحتجاجات وإضرابات وبعد دا هُم بيكونوا أول المُحتجين وأول المُضربين والمُحرضين للطلاب!! تنظيم عندوا خبث ماممكن زول يتخيلوا مهما كان!!
الخلايا النائمه دي ماكانت ظاهره للناس ولاكان في زول بيعرف إنو فلان أو فلانه ديل شيوعين إلا يكونوا من الناس القُدام أو الكوادر الخطابيه الظاهره!! عشان كده كانوا بيظهروا للناس في شكل واجهات وتكتلات صغيره صغيره أشبه بالمجموعات المغلقه!!
✍️ الحزب الشيوعي كان عندوا دور فاعل في ممارسات لجنة تأمين ميدان الإعتصام وكان من التنظيمات المسيطره على غرف التحري الكانت معموله داخل(بوفيه الطعام) كلية الأشعه جامعه السودان (وداخل مكتب الحرس الجامعي) وداخل حته اسمها المركز القومي لتدريب الشباب وداخل ورشة الكهرباء بجامعه الخرطوم وداخل منزل عثمان جمعه بصينيه بري وداخل مخزن أدوات النظافه بالمجمع الطبي وداخل عمارة البشير!! وداخل مكتب شمال بوابة مسجد الجامعه من ناحيه البوابه الشرقيه جم مكتب الحرس!! الشي الكان بيحصل في الأماكن دي حيكون كلاموا براااهو!! كمية الدق والتعذيب والإرهاب الحصلت هنا ماشويه وعندها منشور منفصل!!
من صفحة تبيان توفيق بالفيس بوك