خطاب برهان (بالدارجي)

مهادن الزعيم

(دا ملخص خطاب برهان بالدارجي حسب النص المكتوب اللقيتو في صفحة وكالة سونا… مهم جدا اننا نعرفه عشان نفهم طريقه تفكيره اثناء مخاطبته للمجتمع الدولي ونتوقع النتيجة الحاتحصل شنو)

¶ اول حاجة نبارك لاخونا (تشابا) انو بقى رئيس والقبالو م قصر والله وتعالو اوريكم الحاصل عندنا شنو …الحمد لله نحن ماشين كويس وفترة الانتقالية زاااابطة ودايرين نعمل انتخابات قريب وانا على الطلاق في شهر سبعة الفات دا قلتا ليهم نحن كعساكر مادايرين الحبة وتعالو اعملوا حكومتكم بس بدون كيزان وانا والله مستعد اتعاون مع الامم المتحدة مهما حصل واسألو ناسكم الكانو معانا انا ساعدتهم قدر شنو وبعد دا فشلو وضيعوا زمنا ساي ««««
¶ هسه عندنا مبادرة حقت اخونا الطيب الجد (ملحوظة برهان لم يذكر اسم الطيب الجد) شاركو فيها كل الناس والشباب والصفية والعمد والشراتي حتى اخوانا بتاعين الحركات المسلحة شاركوا فيها وقريب بتتسهل …
¶ بعد الثورة عملنا اتفاق جوبا وامورنا وضحت ودارفور اصبحت في سلام وامان واللاجئين والنازحين رجعوا بيوتهم براهم فياريت تقنعوا لي الحلو وعبد الواحد …
¶ ماتنسوا اني ساعدكم في كم قضية وظبطتا ليكم اموركم في تشاد وافريقيا الوسطى والصومال والكنغوا وليبيا ومنعتا عنكم سيول المهاجرين الجاينكم عبر ليبيا …
¶ عليكم امان والله وماطالبني حليفة الديون غلبتني غلبة وقصت ضهري وبقيت م عارف اعمل فيها شنو وانتو قبل كدا قلتو عايزين تعفو لينا الدين لكن تاني اتراجعوا ف اتمنى تعفونا من الديون وادعموني بالبتقدرو عليهو …
¶ براكم عارفين اسعار البنزين والاكل والحاجات التانية طارت سما عشان كدا عليكم الله ادعموني …
¶ بلدنا مليانة لاجئين ونحن يادوبك العندنا قدرنا وما مكفيانا ذاتو وبعد دا بنديهم منها ف يدكم معاي وادعموني …
¶ في النهاية بشكر اي دولة ساعدتني وماتنسوا ياني زولكم وياريت البقية يساعدوني …