عودي تاني

أيها الخرطوم تحية
عودك أحمد
عودي تاني يا لجين
يا قمر في سبعتين
يا هلالا فيهو نجمة
ويا منارة
ويا مفاتيح الحضارة
كانت الخرطوم حكاية
وكم كتب فيها رواية
وفي جمالا كانت آية
وفيها مقرن
وفيها جنة
وتوتي للعاشقين محنة
وكان شارع النيل بداية
مربط العاشقين وتاية
فيهو سائرين بي محبة
وكل عاشق فيهو حب
وصار شاعر في المحبة
وقطع من قلبو حبه
وزولو فاتو في المحبة
وفجأة إنقطع الطريق
ماتت مصابيح الفريق
لا رفيقة ولا صديق
جاك لص قاطع طريق
لا عندو صاحب لا صديق
ملعون أبوك
ملعون أبو الدعم السريع
إنت قاتل
إنت سفاح
إنت منتهك السرائر
إنت مزقت الستائر
وجيشنا حاضر
والهلاك مكتوب عليك
مافي مهرب
والنهاية
إنت هالك أو صريع
تبقي عبرة
ويكتب التاريخ حكاية
هذا هو الدعم الصريع
إنها الخرطوم عصية
ونحن حافظين الوصية
وجيشنا حاضر
وشعبنا من خلفو ناصر
وباكر الخرطوم تعود
تسمع أحراس الكنائس والمآذن
نشكر الرب بالسجود
نحن حافظين للوصية
مثل ما قال الجدود

        شندقاوي