زاد الغي عن الحد وفاض بإحداهن و”فضفضت” :

تمام يخوانا ؟ ..
عشان الشغله ما تتشاف انفعال ميديا ساي.. الليله مشيت اعتصام امدرمان القديمة في بتين أمس باتو اتعرضو لي كلامات كتيرة و هتاف كنداكة ارجعي البيت و هلما بعديها حصل انو ضايقوهم اجو جمبهم و يتكلمو نظام مالك يا فلان ما رجعت البيت و غيرو… دا غير انو فكو ليهم بوستراتهم حصلت حقارة عديل… و ديل بنات بعرفهم شخصيا منهم صحبتي الكراعه واجعاها من يوم 30 و مقرره انها تجي و تشارك في الاعتصامات تم شيطنته و اتهامه اتهامات أخلاقية كتيرة و انا جيت و سمعت منها…
دا طبعا غير الحصل في الجودة و التهديد لي بنات فعالات في الحراك و الموضوع وصل لي مرحلة الضرب بالسيطان و تهديد بي اغتصاب و ادخلو ناس و طلعوهم من الاعتصام… ما يجي زول يقول الحاصل في الميديا حاجة و في الواقع حاجة
جيت من اعتصام امدرمان هسي و اتكلمت في مخاطبة انو يا جماعة الاختراق الممنهج دا بحصل من بدري و حصل في القيادة قبل كدا بجي الكلام انت الطارح نفسك كثوري رد فعلك شنو اتجاه الحاجة دي وليه اساسا في استجابة من جهات معينه تعمل البلبله دي… كان في واحد قال لي دا ما وقتو ما قضيتنا… لمن يحصل أذية نفسية و جسمانية لي ثائرات معاكم جوا الإعتصام يبقى دا وقتو ونص.. و وحدة قوى الثورة هي شنو اساسا لو ما الناس احترمت بعض
عشان الحقارة بايخه يخوانا و نحن بننفعل في حقنا والله.. و بفتكر انو التروس و اللجان الميدانية تنتبه للحاجات دي و تقيف عليها وقفه حقيقة عشان ما يجو بعدين يشيطنونا و يقولو عاوزين نشق الصف… اساسا نحن الصف.
بكرا موكبنا الساعة واحدة في باشدار

اصحى_ياترس

لاتفاوضلاشراكة

لاشرعية_لاوصايه