انقذ ولدك من خطورة المخدرات والآيس
د. جلال حامد يكتب :
قدر ما الناس تتخيل خطورة المخدرات عموما، والآيس خصوصا، خيالها ما بصل للتأثير الحقيقي للآفة دي، وناس كتيرة بتعاني الأمرين مع الآيس، سواء مع نفسهم أو مع ناس عزيزين عليهم، سواء في مرحلة الإدمان أو محاولة العلاج، جرائم يشيب لها الولدان، العقل ما بستوعبها، حصلت لأنه مرتكبها كان إما تحت تأثير الآيس أو تأثير ضرورة إنه يلقى قروش عشان يشتري بيها السم دا ويؤذي نفسه وأسرته ومجتمعه.
الموضوع خطير وكبير وعن نفسي بعد فتحته في سكة ضياع، وح نبنيهو صاح، وفعاليات ومهرجانات مختلفة، مواصل بإذن الله في محاربة المخدرات والآيس، ضمن مسؤوليتي المجتمعية نظمت فعالية توعوية ثقافية، ح تكون يوم الجمعة 13 يناير الجاري في ساحة الحرية (الساحة الخضراء)، من الساعة 4 عصر حتى 8 مساء، بمشاركة نجوم المجتمع وشخصيات قيادية ومؤثرين، وبفقرات مختلفة إن شاء الله ح تعجبكم.
حضوركم فرض عين، دي دعوة شخصية مني لكل أخ وأخت في الصفحة دي، تعال استفيد وفيد ووعي غيرك، تعال نتناقش كيف ننفع مجتمعنا بتجنيبه خطر الآيس، تعال أعرف مننا ونعرف منك، تعال استمتع بفقرات المهرجان، منتظركم يوم الجمعة في الساحة، وشكرا مقدماً لحضوركم.
