رسالة عاجلة سعر العيشة 50 جنيه

الي السيد رئيس اللجنة الاقتصادية
الفريق اول حميديتي يجده بخير منذ يوم امس سعر العيشة الرغيفة الواحدة 50 جنيه كاملة غير منقوصة وكل لحظة الاسعار تزداد زيادة غير طبيعية حتي المواصلات الداخلية الراكب 200 جنيه وكباية الشاهي 250 والقهوة 300 جنيه وطلب الفول 1000 جنيه عليك الله قصة الوراقة والدولار والقصص الاقتصادية الكبيرة دي خلينا منها شوف لينا دبارة المعيشة البلد واقفة والناس كلها تبكي من الغلاء الفاحش سيبك من قحت ولجان المقاومة المجاعة دخلت البيوت العلاج والدواء اسعار فلكية رسوم الجامعات شي لايطاق جوال الفتريتة 20 الف جنيه رطل الزيت العادي 1000 الف جنيه وحاجات لاتطاق والفقر في كل مكان اوقف الصادرات الي الخارج ووفر الخبز المدعوم للمواطن وشيل الحمالة عديل وناس العملة المضاربين عليك الله وديهم الدروة اسمع كلامي الحال بقت صعبة وثورة الجياع اذا قدر لها الخروج سوف تسقط الجميع شوف اي حلول مستعجلة الغاز نهائي مافي ليه 10 يوم ورمضان علي الابواب المهم ياخ اسال المستشارين عن الوضع كيف ولو سالت عن اهل بورتسودان محل زيارتك الان لعلمت ان صفيحة المياه للشرب 1500 جنيه وانقطاع الكهرباء مرات متكررة في اليوم

المهم الموضوع خطير

اللهم قد بلغت فاشهد
محمدالمسلمي الكباشي رئيس الهيئة القومية لدعم القوات المسلحة والاجهزة النظامية