قطيع القحاتة وعشم الرجوع للسلطة عبر بوابة الإمارات

🖋️د. أحمدمنصورالمحامي ….
قحاتة مساكين حتي أحلامكم فاتت أحلام ظلوط زاتو … وعشمكم في الرجوع للسلطة فات عشم إبليس لي دخول الجنة … في كلام كده فاااارغ لافي في قروبات بني قحط يتحدث عن هذه المواضيع … خلاص قنعتوا من جدول المظاهرات الشهري ولقيتوه ما جايب حقو وبقي أملكم في الأمارات يا قحاتة يا أولاد أم ذقدة … أمارات شنو؟ وأمريكا شنو؟ العالم كله الأيام دي بينظر لي حرب الروس مع أوكرانيا ومافي زول شغال بيكم الشغلة يا وهمانين … ثم ثانيا حمدوك ده ياهو حمدوك الباعكم داك ولا ده واحد شبيه ليهو ؟ كل يوم يمر يثبت لينا بأنكم لا مبدأ لكم … بالأمس كنتم ضد حمدوك واليوم مع رجوع حمدوك … إنتو مفتكرين الناس السكت ليكم زمان تاني ح تسكت ليكم ولا إنتو الظاهر دايرين المشهد الصومالي والسوري والليبي واليمني لأن رجوعكم للسلطة كالسابق يعني إشعال الحرب الأهلية في السودان … يا قحاتة حتي لو رجع حمدوك وما ظنيت ذلك سيرجع بشكل جديد وبي جلد جديد غير الجلد القحتاوي النتن داك … وأنا علي يقين كامل بأنها زيارة ذات مصالح مشتركة بين البلدين تصب في مصلحة المواطن السوداني والأماراتي وليست في مصلحة حزب من الأحزاب … وقد إبتدأت هذه المصالح بذهاب الفريق أول حميدتي الي روسيا وقبلها زار الإمارات … واختتمت بذهاب الفريق أول البرهان للإمارات للتوقيع النهائي علي الإتفاقيات المشتركة … وستكون هنالك بشريات كبيرة جدا عقب العودة فترقبوها … قال حمدوك راجع قال … هو ترجيع الفشلوك ده لأي منصب من المناصب دايرلو مفاوضات بين رؤساء … ده بس يضربو ليهو تلفون واحد بيجي جاري جري الجن … إن تنبأ الدبوسو فصدقوهو … قحاتة هوانات …