منصور الهادي يكتب

في الوقت الذي خرجت فيه قحط الفاشلة على لسان (خالد سلك) ممتعضه من تريد الجنود السودانيين للا إله إلا الله ومطالبه بعودة الجيش لما زعمت انه أصوله العلمانية.. في هذا الوقت الشيطاني خرج بوتين هنااااك عند ضفاف البحر الأسود وبالقرب من مدن الضباب وأصدر قراراََ برفع الحظر عن (صحيح البخاري) لأحاديث النبي محمد صلى الله عليه وسلم بل وترجمته للغة الاوراسية وتوزيعه مجاناََ على الشعب الروسي في إشارة انه لامانع أن أسلموا…

ربما..
لايعلم (خالد سلك) وياسر عرمان وبنات الإمام ووجدي صالح أن الله أخرج الإسلام في المدن البعيدة على قمم جبال القوقاز وأرض البلقان بقيادة (شاميل باسيف) …

انتصر..
بوتين للإسلام الذي حاولت أن تهزمه قحط الفاشلة وصدق النبي صلى الله عليه وسلم القائل :
أن الله لؤيد الإسلام بالرجل الفاجر..

يحرك الله الفجار والكفار لنصرة الإسلام يا قحاااطه يا انجاس كما حرك الهدهد والطير الابابيل فلا يعلم جنود ربك ألأ هو ..

المهممممممممممممممم
كمال عمر أو بالأصح حزب (المؤتمر الشعبي) تحالف مع قحط العلمانية الليبرالية ضد قرارات ٢٥ أكتوبر بعد أن وصفها بالانقلاب…
يعني المؤتمر الشعبي الإسلامي ضد الانقلاااابات؟!…

المؤتمر الشعبي ضد الانقلابات في الوقت الذي فيه رئيس الحزب على الحاج في سجن كوبر يحاكم بسبب مشاركته في انقلاب ٨٩..
والله زي ما اقول ليكم

في البلد دي اصلوا ما تستغرب…
ما انا قبل كدا قلت ليك حزب البعث العربي العنصري المهتم بالقومية العربية في السودان قياداتو نوبةوحلفااااويين لاعلاقة لهم من بعيد ولا قريب بالعرب …

في البلد دي ما تندهش وانت ترى بعض أبناء دارفور في الخارج يعادون شمال السودان بزعم انه مستوطنه عربية في الوقت الذي شمال السودان مافيهو عرب غير الشوايقه وبعض قبائل الرحل واكثرية العرب في دارفور نفسها…

فإذا كانت دارفور مظلومة فالمظلومين هناك العرب وإذا كانت الشمالية منعمة فالمنعمين هناك لاعلاقة لهم بالعرب…

اصلو ما تستغرب في البلد دي وحزب الأمة ينادي فيها بالديمقراطية وهو الحزب الطائفي الارثي الذي حكمه رجل واحد أربعين عام وبعد رحيله عجز الحزب عن اختيار رئيس جديد وفشل ديمقراطياََ..

اصلوا ما تستغرب في بلد فيها سينما الحلفايا في الخرطوم والحلفايا اصلا حي من أحياء بحري…

تستغرب لشنو وقحط الفاشلة بالأمس رفضت الجلوس للآلية الرباعية بزعم انها لن تجلس مع التوافق الوطني لأنهم داعمي للانقلاب وستجلس فقط مع المكون العسكري العمل الانقلاب زااااااتو…

ياااااخ..
ثورة عملت العيشة من ١ جنيه ل٥٠ جنيه والدولار من ٦٠ جنيه ل ٤٠٠ جنيه ويقال انها ثَورة أنقذت البلاد من الانهيار…

يااااخ..
القونه في البلد دي تطلع في التلفزيون مخروشه وتقول :
طبعا أحمد الله ربنا وفقني وبقيت بغني ودي نعمة من الله ما بلقاااها ومابديها اي زول…!!!!

صراحة بلد غريبة ومتناقضة ومشربكة
وشكلها خلاقة يصعب علاجها..

في منغولي بتعالج؟!
لاااااااااااا..
طيب يلا اررررح..خليها تغرق زاتو…

اقول ليكم حاجة تحيركم؟!
اتخيل الأسماء دي غير موجودة غدا في المشهد السوداني..
1/ ياسر عرمان..
2/ وجدي صالح..
3/ خالد سلك..
4/ إبراهيم جعفر..
5/ بت الإمام
6/ود الإمام العبيط
7/وودالبرير الاعبط منو
9/عمر الدقير..
10/سيد الخطيب

عشرة أشخاص اتخيلهم مااااافي في المشهد السوداني فكيف سترى البلاد؟!!
اكيد هدووووووووووء يحير النسيم..
وحكومة انتقالية مستقلة تعمل بتناغم..
واقتصاد ينهض..
وأمن مستقر…
والأمور باااسطه..

عشرة أشخاص لايسمنون ولا يغنون من جوع مقومين نفس البلد لانو القيادات ألفي سدة الحكم ضعيفه…

عشرة انفار يتحدثون باسم ٤٠ مليون والمؤسسة العسكرية تستمع لهم وتضيع وقت البلاد الثمين…

حتى الخواجات صدقوا انو الناس الما عندهم حاجة ديل احتمال عندهم حاجة بسبب ضعفنا في الدولة وأعطاءهم هالة إعلامية كذوووبة لايستحقونها…

قلت ليك دي بلد غريبة
وشعب غريب وحكومة أغرب منو؟!!

*(منصور الهادي)*