“مخدر الآيس” نسبة الإدمان عند البنات أكبر بالمقارنة مع الأولاد..

عائشة الماجدي

الخطورة في المخدر دا انك ممكن تدمنوا من أول جرعة 😑..
والأخطر انو دا المخدر البيور المستورد، ما بالك في البتم تصنيعوا في معامل هنا في الخرطوم وممكن خطورتوا تكون قدر شنو؟
بسبب المخدر دا اعراض على المدمن منها:

– زيادة اليقظة والانتباه ” ممكن يومين تلاته ما ينوم”
– تقليل الشهية+ وبعدها فقدان شديد للوزن
.– تحلل شديد أو تآكل الأسنان، وده مميز جدا مع متعاطي الشابو “الآيس”
– حكة وهرش شديد يؤدي إلى قرح في أماكن الهرش.
– قلق شديد ومشاكل في النوم.
– سلوك عنيف جدا وعدواني ” ممكن يضرب امو وابوهو عادي” وممكن يسرق ويكسر
– بارانويا شديدة وهلوسة.

بتأخد عن طريق التدخين، والمرحلة التانية حقن، بستخدمو عبوات حقن “الانسولين بتاعت السكري”، ناس الصيدليات ممكن يلاحظوا الحاجة دي.
وطبعا لما يتأخد عن طريق الحقن فدا بزيد احتمالية الإصابة بفيروس الـ HIV والفيروسات الكبدية الوبائية B و C
وبعمل سلوكيات شديدة الخطورة مثل الجنس غير الآمن Unprotected sex

واحده من نقاط البيع المشهورة (شارع النيل) المنطقة، من تحت كبري الحديد ولحدي تحت كبري المك.

في منشور تاني نشوف كيف بستدرجوا الشباب والشابات وبخلوهم يدمنو، وكيف بستخدموا المدمنين ديل ك ديلر لترويج الآيس 😑

شكرًا حنين علي التنوير 🌹